...

AİB multitranş maliyyələşdirmə mexanizmi çərçivəsində enerji əməkdaşlığı planının hazırlanması üçün Azərbaycana texniki yardım ayıracaq

Energetika Materials 7 Yanvar 2009 14:55 (UTC +04:00)

Azərbaycan, Bakı, 07 yanvar / Trend , müxbir İ.Xəlilova/ Asiya İnkişaf Bankı (AİB) multitranş maliyyələşdirmə mexanizmi (MFF) çərçivəsində enerji əməkdaşlığı istiqamətlərinin müəyyən edilməsi üçün Azərbaycana texniki yardım ayırmağa hazırdır, - ölkə hökumətindən çərşənbə günü bildiriblər.

"Texniki yardımın göstərilməsi üzrə işlərin yanvarın sonunadək başlayacağı gözlənilir", - mənbə deyib.

Yardımın həcmi hazırda müəyyən edilən bir sıra komponentlərdən asılı olacaq. Texniki yardım əməkdaşlıq planının, multitranş maliyyələşdirmə mexanizminin hazırlanmasına yönəldiləcək. Bank, MFF çərçivəsində layihələrin maliyyələşdirilməsi üçün 500 mln. dollar ayırmağa hazırdır.

AİB-in vitse-prezidenti Xiaoyu Jaonun (Xiaoyu Zhao) ötən ilin noyabrında Bakıya səfəri zamanı enerji sahəsində əməkdaşlıq perspektivləri artıq müzakirə olunub, xüsusilə də enerjinin generasiyası, distribüsiyası və transmissiyası sahəsində layihələrin maliyyələşdirilmə imkanları barədə danışılıb.

Lakin MFF-ə artıq 2008-ci ildə təsdiqlənmiş Azərbaycanda elektrik ötürcü xətlərinin bərpası layihəsi daxil olmayacaq. Bank, dəyəri 220 mln. dollar olan  bu layihənin realizəsinə 160 mln. dollar ayırıb. Layihə çərçivəsində Mingəçevir su elektrik stansiyasından Abşeron yarımstansiyasınadək ikikonturlu 220 kilovoltluq elektrik ötürücü xəttinin çəkilişi nəzərdə tutulur. Bununla yanaşı, 220/110 kilovoltluq yarımstansiyanı 110 kilovoltluq elektrik ötürücü xətti ilə birləşdirmək nəzərdə tutulur.

Bu gün AİB-lə multitranş mexanizm çərçivəsində nəqliyyat layihələri realizə olunur ki, bank bunun üçün ümumilikdə 500 mln. dollar vəsait ayırmağı öhdəsinə götürüb.

Enerji layihəsinə AİB-in kredit ehtiyatları 5 il güzəştli dövr olmaqla 25 il müddətinə və illik libor+0,2 faiz dərəcəsi ilə təqdim edilib.

AİB Azərbaycan hökuməti ilə 1999-cu ildən əməkdaşlıq edir. İndiyədək bank ölkə üçün dövlət zəmanəti altında 464 mln. dollar kredit ayırıb.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti