Azərbaycan, Bakı, 15 yanvar / Trend , müxbir V.Şərifov/ SOCAR şirkəti və Dubayın DB Petroleum şirkəti "Maştağa-Buzovna" quru yatağının bərpası və işlənilməsinə dair danışıqları bitirərək, gələcək PSA tipli sənədi hazırlayıblar. Bu haqda cümə axşamı SOCAR-dan (Azərbaycan Dövlət Neft Şirkəti) bildiriblər.
"DB Petroleum-la müqavilə hazırdır. Şirkətlə danışıqlar başa çatıb. Sənədin yalnız yaxın vaxtda imzalanması qalıb", - SOCAR-da deyiblər.
Bir neçə il əvvəl Polish Oil and Gas Company (POGC) şirkəti SOCAR-la bu quru yatağın bərpası və işlənməsinə dair PSA tipli müqavilənin bağlanması perspektivlərini müzakirə edib. Tərəflər bir neçə danışıq mərhələsi keçirtsələr də, razılığa gəlməyiblər.