Azərbaycan, Bakı, 24 yanvar/ Trend / SOCAR şirkətinin (Azərbaycan Dövlət Neft Şirkəti) Marketinq və İqtisadi Əməliyyatlar İdarəsi 2008-ci ildə təqribən 20 mln. ton neft və təxminən 2,5 mln. ton neft məhsulları ixrac edib. Bu barədə Azərbaycan Dövlət Gömrük Komitəsinin məlumatında bildirilir.
SOCAR şəxsi vəsaitləri hesabına 57-dən çox yataqdan neft hasil edir. Neft məhsulları ümumi gücü ildə 20 mln. tondan artıq neft olan iki Bakı neft emalı zavodunda istehsal olunur. SOCAR nefti Bakı-Tbilisi-Ceyhan və Bakı-Novorossiysk boru kəmərləri vasitəsilə satır.
Gömrük Komitəsinin məlumatına görə, 2008-ci ildə QKSSS şirkəti Azərbaycandan təqribən 98,3 min ton, "Azneftyağ" İstehsalat Birliyi təqribən 92,3 min ton, Caspian Petrol-1 firması isə 69,2 min ton neft məhsulları ixrac edib.
