Qazaxıstan, Astana, 12 fevral / Trend , K.Konırova/ Aprel ayında Londonda dünya liderlərinin iştirakı ilə karbohidrogenin istifadəsinin azalmasına dair sammit keçiriləcək. Bu barədə Trend -a Böyük Britaniyanın Qazaxıstan və Qırğızıstan üzrə Fövqəladə səfiri Pol Brammel Astana şəhərində bildirib. "Böyük Britaniyanın biznes nümayyəndələrinin başçılıq etdiyi işçi qrupu sammitdə bu mövzuya dair öz məruzələrini təqdim edəcəklər", - Brammel vurğulayıb.
Brammel Davosda Böyük Britaniya Baş Naziri Qordon Braunun dünya böhranından çıxış yolu kimi təklifinin məhz karbohidrogenin istifadəsinin azalması olduğunu vurğulayıb.
"Əger 2050-ci ilə qədər tullantıları iki dəfə azaltmasaq, onda bizi böyük humanitar və iqtisadi böhran gözləyir", - Qordon Braun Davos forumunda çıxış edərkən deyib.
"Bu onu göstərir ki, bu gün karbohidrogenin azalması ilə aparılan iqtisadiyyat ən düzgün sayılır. İqlimin dəyişilməsi ilə əlaqədar yaranan problemlərin həlli sonraya saxlanıla bilməz", - səfir deyib.
Diplomatın sözlərinə görə, karbohidrogenin istifadəsinin azalması böhrandan çıxış yolu ola bilər.
"Karbohidrogenin istifadəsinin azalması yolu Böyük Britaniya və Qazaxıstan arasında olan enerji əməkdaşlığının ayrılmaz hissəsidir. Bunan əlavə biz kükürdün qorununub saxlanmasına dair aparılan işləri də dəstəkləyirik. Bu bizim Qərbi Qazaxıstanın neft yataqlarında apardığımız əsas ekoloji borcumuzdur", - Brammel deyib.
Onun sözlərinə görə, bu yolla ölkələr üç məqsədə çatacaqlar. Bunların hamısı inkişafın tez başlanmasına və möhkəm olmasına səbəb olacaq.
"Birinci: istehsala lazım olan kapitalın qoyulmasını təmin edəcək və yeni iş terləri yaranacaq.İkinci :neftdən asılılığımızı azaltmaq yolu ilə enerji təhlükəsizliyimizi artıracaq. Üçüncü: sənayə tullantılarını azaltmaqla iqlimin dəyişilməsi ilə bağlı yaranan problemləri həll edəcək", - Brammel vurğulayıb.
Məqalənin müəllifi ilə əlaqə saxlamaq üçün ünvan: [email protected]