Аzərbaycan, Bakı, 14 fevral / Trend , müxbir E.İsmayılov/ Keçirilmiş qiymətləndirməyə əsasən Аzərbaycan mədən sənayesində şəffaflıq təşəbbüsü prinsiplərinə (EITI) tam cavab verir, ona görə də ölkənin EITI-nin ilk tamhüquqlu üzvü olmaq şansı var,- bu sözləri cümə günü Dövlət Neft Fondunun icraçı direktoru Şahmar Mövsümov deyib.
Azərbaycanın üzvlüyə qəbul edilməsi EITI çərçivsində Dohada (Qatar) keçiriləcək 4-cü beynəlxalq konfransda baş verə bilər.
Biz çox ümid edirik ki, Azərbaycan gələn həfə EITI-nin tamhüquqlu üzvü olacaq, - Mövsümov bidirib.
Onun sözlərinə görə, 2008-cildə verilən hesabata əsasən Azərbaycan EITI-nin bütün prinsiplərinə cavab verir.
Azərbaycan namizəd statusu olan EITI-nin 23 üzvü arasında tamhüquqlü üzv olacaq. "Tamhüquqlu üzv statusu bir daha təsdiq edir ki, Azərbaycanın neft-qaz sahəsində əldə etdiyi gəlirlər tamamilə şəffafdır və onlar haqqında tam şəffaf məlumat verilir, - deyə Mövsümov bildirib.
Yaxın günlərdə EITI çərçivəsində Deloitte beynəlxalq audit şirkəti 2008-ci ilin yekunu üzrə 10-cu hesabat hazırlayacaq.
2003, 2004, 2005-ci illər ərzində və 2006-cı ilin birinci yarımilinin auditlərini Deloitte keçirib.
2005-ci ilin birinci yarımili üzrə hesabatı Accountants Global Network şirkətlər qrupuna daxil olan AGN Mak Azerbaijan LTD sirkəti hazırlayıb. Ardıcıllıq prinsipinə əsasən audit şirkətlərinin xidmətlərinin ödənilməsi hasilat sənayesində çalışan şirkətlərin üzərinə düşür.
Məqalə müəllifi ilə əlaqə: [email protected]
