Azərbaycan, Bakı, 31 mart / Trend , müxbir А.Bədəlova /
"ABŞ-ın Enerji İnformasiyası İdarəsinin (EIA) yeni rəhbəri aprelin əvvəlində təyin oluna bilər", - Trend -a EIA-dakı rəsmi mənbə məlumat verib. EIA-nın yeni rəhbərliyinə namizədin adı açıqlanmır.
Təsdiq olunmamış informasiyaya görə, EIA-nın rəhbəri Vaşinqtondakı Deutsche Bank AG-nın baş iqtisadçısı Adam Siminski ola bilər.
İndiyə qədər EIA-nın rəhbəri Qay Karuzo idi. O, bu vəzifəni 2002-ci ilin fevralından tuturdu. Hazırda EIA rəhbərinin vəzifələrini icra edən müvəqqəti şəxs Hovard Qrünspextdir.
Dövlət Enerji İnformasiyası İdarəsi ABŞ departamentinin 1977-ci ildə Konqres tərəfindən yaradılmış enerji üzrə statistika agentliyidir.
Məqalə müəllifi ilə əlaqə ünvanı: [email protected]