Azərbaycan, Bakı, 25 may / Trend , müxbir İ.Xəlilova /
Dünyada baş verən proseslərin mənzərəsində Azərbaycan İqtisadi İnkişaf Nazirliyi 2010-cu ilin iqtisadi göstəricilərinin söykəndiyi neftə olan qiymət proqnozlarını azaldıb.
"Nazirlik ilkin proqnozlarını neftin bir barelinin 40 dollar olduğuna əsaslanaraq bildirsə də, proqnozlar vəziyyətlə əlaqədar olaraq korrektə olunacaq", - iqtisadi inkişaf nazirinin müavini Azər Bayramov deyib.
Onun sözlərinə əsasən, nazirlik hələ ki, dövlət büdcəsinin proqnozlarının formalaşdırılması prosesindədir.
Dövlət büdcəsinin 2009-cu ilə olan proqnozları neftin qiymətinin bir barel üçün 70 dollar nəzərdə tutulmaqla formalaşmışdır. Buna baxmayaraq, ötən ildən başlayaraq dünya bazararında neftin qiyməti enməyə başladı və hazırda 60 dollardan aşağıdır.
Martda maliyyə naziri Samir Şərifov deyib ki, "gəlirlərimizi dünya bazarlarında neftin qiymətinin enməsindən daha çox, AMOK tərəfindən hasilatın aşabı düşməsi azaldır".
İlkin proqnozlara əsasən, AMOK tərəfindən həyata kelçirilən neft hasilatının həcmi 35 milyon ton həcmində olub.
Bayramovun sözlərinə əsasən, dünya bazarında neftin qiymətinin artmasından asılı olaraq AMOK tərəfindən daxil olan gəlirlərin artması gözlənilir.
"İlin əvvəlindən başlayaraq gəlirlər yüksək səviyyədə deyil və onlar ödəniş qrafikindən geridə qalıblar. Bu da AMOK-un hasilat səviyyəsinin aşağı olması ilə əlaqədardır", - nazir müavini qeyd edib.
Onun sözlərinə əsasən, "Azəri-Çıraq-Günəşli" yataqlarından əldə edilən hasilatın həcmi sutkada bir milyon barel təşkil edə biləcəyi halda real hasilat həcmi isə azdır.
Neftin qiymətini 40 dollar nəzərdə tutmaqla 2010-cu il üçün makroiqtisadi proqnozlar hazırlayarkən böhransonrası dövrdə artım tempinin zamana ehtiyacı olduğundan İqtisadi İnkişaf Nazirliyi özünü sığortaladı.
Hələ ötən il 2009-cu ilin maqroiqisadi göstəriciləri 3 ssenari üzrə hazırlanıb: pessimist, orta və optimist.
Pessimist proqnozlara əsasən, 2009-cu il üçün bir barel neftin qiyməti 80 dollar, orta proqnozla 100 dollar və optimist proqnozla 125 dollar nəzərdə tutulub. 2012-ci ilədək bu göstəricini 70 dollaradək endirmək nəzərdə tutulmuşdu. Lakin dünya maliyyə böhranının dərinləşməsi üzündən daha mühafizəkar tədbirlərə əl atmaq zərurəti yarandı.
Beynəlxalq Valyuta Fondu (BVF) 2009-cu il Azərbaycan büdcəsinin neftin qiymətğinin 40 dollara düşəcəyi halda da dayanaqlı qalacağını bildirmişdi. Lakin Azərbaycan neftinin ixrac sortu olan Azeri Light-ın 50%-ni alan ABŞ-da istehlak səviyyəsi azaldığından iqtisadiyyatın resessiyası aşağı səviyyədədir.
"Azeri Light" markalı Azərbaycan neftinin qiyməti hazırda 60,9 dollardır.
2009-cu il dövlət büdcəsinin gəlirlərinin 12,177 (27,9%) milyard manat, xərclərin isə 12,355 (ÜDM-in 28,3%-i) milyard manat səviyyəsində olacağı proqnozlaşdıılır. Büdcə kəsiri 178 milyon manat (0,4%) təşkil edib.
Mayın 25-nə olan rəsmi məzənnə 0,8036 AZN/USD təşkil edir.
Məqalə müəllifi ilə əlaqə üynvanı: [email protected]