Azərbaycan, Bakı, 25 may / Trend , müxbir E.İsmayılov /
Apreldə Bakı-Tbilisi-Ceyhan (BTC) boru kəməri ilə Türkiyə ərazisindən 23 milyon barel Azərbaycanın yüngül nefti nəql edilib ki, martda bu göstərici 24,4 milyona bərabər olub. Bu barədə Türkiyə dövlət boru kəməri şirkəti "Botaş"ın rəsmi saytında deyilib.
Yanvar-aprel ərzində BTC ilə Türkiyə ərazisindən təqribən 88 milyon barel neft nəq edilib.
2008-ci ildə BTC vasitəsi ilə Türkiyə ərazisindən 264 milyon barel Azərbaycanın Azeri Light markalı neft nəql edilib.
BTC neft kəmərinin ümumi uzunluğu 1768 km. təşkil edir ki, bunun 443 km. Azərbaycan, 249 km. Gürcüstan və 10076 km. isə Türkiyə ərazisindən keçir. Boru kəmərinin inşasına 2003-cü ilin aprelində start verilib.
BTC-nin səhmdarları BP (30,1%), AzBTC (25%), Chevron (8,9%); StatoilHydro (8,71%); TRAO (6,53%); Eni (5%); Total (5%); Itochu (3,40%); Inpex (2,5%); ConocoPhillips (2,50 %); Hess (2,36 %).
Aprel ayında İraq-Türkiyə boru kəməri vasitəsilə təqribən 12 milyon barel neft nəql edilib. Martda bu göstərici 13 milyona bərabər olub. Yanvar-aprel ərzində sözügedən neft kəməri vasitəsilə cəmi 52,6 milyon barel neft nəql edilib.
Məqalə müəllifi ilə əlaqə ünvanı: [email protected]
