Azərbaycan, Bakı, 03 iyun / Trend , müx. E.İsmayılov /
Ekol QSC - muhendislik xidmetleri (mühəndis xidmətləri) və Vimexco Vyetnam şirkəti Vyetnamda torpaq və suların neftdən təmizlənməsi üçün müştərək müəssisənin yaradılması barədə müqavilə imzalaya bilərlər, QSC-nin baş direktoru Soltan Əliyev bildirib.
"İyunun 8-dən 18-nə qədər mən Vyetnamda səfərdə olacam və orada torpaq və suların neftdən təmizlənməsi üçün müştərək müəssisənin yaradılması mümkün ola bilər", - Əliyev bildirib.
Onun sözlərinə görə, QSC-nin hazırda əsas məqsədi öz imkanlarını ixrac etmək, xarici sifarişlər almaq və öz fəaliyyətini xaricdə qurmaqdır.
Apreldə Vimexco şirkətinin nümayəndə heyəti Bakıda səfərdə olub və Ekol QSC tərəfindən həyata keçirilmiş bütün layihələri nəzərdən keçirib.
Martın 1-i 2006-cı ildə Abşeron yarımadasında ekoloji problemlərin həlli üçün yaradılmış Ekol QSC-nin təsisçiləri SOCAR (51%) və "Lancer S.A. Services" (49%) şirkətləridir.
Məqalə müəllifi ilə əlaqə:[email protected]