Azərbaycan, Bakı, 18 iyun / Trend , müxbir E.İsmayılov /
Xəzərin Azərbaycan sektorundakı "Dədə Qorqud" qazma platformasında baş vermiş bədbəxt hadisə nəticəsində ölkənin ən böyük qazma podratçısı - Caspian Drilling Company (CDC) İB-nin əməkdaşı həlak olub. CDC-dən məlumatı təsdiqlədilər.
Bədbəxt hadisə bazar ertəsi, Bakı vaxtı ilə saat 23:59-da qeydə alınıb.
"Bədbəxt hadisə nəticəsində 1 nəfər həlak olub. Fakt üzrə dövlət orqanları ilə birlikdə təhqiqat aparılır. Baş vermiş hadisənin səbəbləri haqda danışmaq hələ tezdir. Hər şey təhqiqatın başa çatmasından sonra məlum olacaq", - CDC-nin nümayəndəsi həlak olanın adını açıqlamayaraq bildirib.
Təsdiqlənməmiş məlumatlara görə, CDC-nin əməkdaşının cəsədi suda - "Dədə Qorqud" qazma platformasına dəstək gəmisi - "Bakı" ekipajı tərəfindən platformanın yanında tapılıb. Hadisənin təhqiqatı üçün xüsusi komissiya yaradılıb.