Azərbaycan, Bakı, 27 iyul / Trend , müxbir E.İsmayılov /
"Azəriqaz" QSC-nin (Azərbaycanda qazın paylanması) ARDNŞ-nin tərkibinə daxil edilməsi növbəti ildə Azərbaycanın bütün regionlarında qaz problemini həll etməyə imkan verəcək. Bu barədə bazar ertəsi Azərbaycanın Sənaye və Energetika Nazirliyi yanında Dövlət Qaz Nəzarəti İdarəsinin başçısı Asif Zeynalov bildirib.
"Azəriqaz"ın ARDNŞ-nin tərkibinə daxil olması artıq 2010-cu ildə qaz təchizatı ilə bağlı problemlərin həll edilməsinə imkan yaradacaq, belə ki, ARDNŞ-nin bunun üçün imkanları mövcuddur", - deyə Zeynalov bildirib.
Zeynalovun bildirdiyi kimi, bu struktur bölməsinin likvidasiyası ARDNŞ-nin "Azəriqaz" sisteminə nəqli zamanı baş verən qaz itkisinin azalmasına da imkan verəcək. "Şirkətin özünün qaz hasil etməsi və qaz satması normaldır", - deyə Zeynalov bildirib.
Zeynalov əhali üçün əvvəlcə ("Azəriqaz"-ın ARDNŞ-nin tərkibinə daxil olmasına kimi) hər min kubmetri 47 manatdan 100 manata kimi artırılan qazın qiymətlərinə yenidən baxılmanı istisna etmir.
"Bu dəyişikliyi mən müsbət qiymətləndirirəm, belə ki, o, ölkənin qaz təchizatının əhəmiyyətli dərəcədə yaxşılaşdırılmasına imkan verəcək. Struktur bölmələri nə qədər az olarsa, nəticələr də bir o qədər müsbət olar", - Zeynalov deyib.
ARDNŞ-də artıq struktur dəyişiklikləri həyata keçirilib. Belə ki, ARDNŞ prezidenti Rövnəq Abdullayevin əmri ilə "Azəriqaz" QSC (qazın paylanması və satışı) əsasında "Azəriqaz" İstehsalat Birliyi yaradılıb. İB-nin başçısı vəzifəsinə əvvəlcə "Azneftyağ" Neft Emalı Zavodunun direktoru olan Əkbər Hacıyev təyin edilib.
Məqalə müəllifi ilə əlaqə ünvanı: [email protected]
