Gürcüstan, Tbilisi, 25 avqust / Trend , müxbir N.Kirsxaliya /
Gürcüstan dövlət elektrik sistemində SCADA layihəsi çərçivəsində qurulan və ən yeni texnologiyalarla təmin edilmiş idarəetmə qalxanı bütün Qafqazda yeganə və unikaldır. Təqdimat mərasimində reabilitasiya idarəçisi Sulxan Zumburidzenin dediyi kimi, layihənin həyata keçirilməsi 12 milyon avroya başa gəlib.
Yeni idarəetmə sisteminin köməyi ilə qəza vəziyyətləri azalacaq, dispeçerlərə qəzaların aradan qaldırlmasında və qərar qəbulunda maksimal kömək göstəriləcək, güclərin idarə olunmasında dəqiqlik artacaq.
SCADA layihəsinin realizəsinə 2006-cı ilin sonunda başlanılıb, 2009-cu ilin dekabrında isə başa çatdırılacaq. Layihənin ümumi dəyəri təxminən 12,1 milyon avrodur. Onu Gürcüstan dövlət elektrik sisteminin həmmaliyyələşdirilməsi ilə Dünya Bankı maliyyələşdirir (maliyyələşdirmədə Gürcüstan tərəfinin iştirakı vergilərin bir hissəsi ilə həyata keçirilir).
Layihənin podratçısı nəzərdə tutulmuş işləri icra edən "Simens" şirkətidir.
"Dünyada geniş istifadə olunan, bu cür mükəmməl təminatla yeni texnologiya Qafqazda yalnız bizdə var", - Gürcüstan dövlət elektrik sisteminin reabilitasiya idarəçisi Zumburidze deyib. Onun sözlərinə görə, bu layihə gürcü energetikasının inkişafında daha bir addımdır.
Məqalə müəllifi ilə əlaqə ünvanı: [email protected]
