Qazaxıstan, Astana, 25 avqust / Trend , müxbir K.Konırova /
"Qazaxıstan NEZ-lərinin yenidənqurma və təkmilləşdirilməsinə Atırau NEZ-dən başlamaq lazımdır", - Astanada Trend -ın xüsusi müxbirinə "KazMunayQaz" MŞ SC-nin neftin emalı və marketinqi üzrə icraçı direktoru Daniyar Tiyesov deyib.
"Yaxın və hətta uzaq perspektivdə ortaya Atırau NEZ-in xammalla doldurulması ilə bağlı sual çıxmayacaq, çünki o, Qazaxıstanın qərbində, bizim böyük yataqlarımızın yaxınlığında yerləşir və biz həmişə onu Qazaxıstan nefti ilə doldura bilərik", - Tiyesov bildirib.
Bununla belə, onun sözlərinə görə, 12-15 ildən sonra respublikanın ikinci ən böyük, ölkənin cənubunda yerləşən Şımkent neft emalı zavodunun xammalla doldurulması ilə bağlı məsələ ortaya çıxa bilər.
"Şımkent zavodu da bizim Kızıl-Orda yataqlarından doldurulur, ancaq onlardakı hasilat dinamikası göstərir ki, hasilatın saxlanması və ya artırılmasına tendensiya yoxdur və 10-12 ildən sonra zavodu xammalla necə təmin etmək barədə sual doğacaq", - Tiyesov bildirib.
Respublikanın üçüncü ən böyük zavodu - Pavlodar neft-kimya zavoduna gəlincə, o, texniki cəhətdən Qərbi Sibir yataqlarındakı neftin emalına köklənib.
"Buna görə, ilk növbədə Atırau NEZ-i normallaşdırmaq lazımdır. O, ən etibarlıdır və bu da öz növbəsində çox vacibdir. Biz xarici xammal mənbələrindən asılı olmamalıyıq", - Tiyesov deyib.
Məqalə müəllifi ilə əlaqə ünvanı: с[email protected]