Azərbaycan, Bakı, 29 avqust / Trend /
Birinci yarımil ərzində Gürcüstanın Qarad əniz limanı Batumidə 3,4 milyon ton müxtəlif yüklər boşaldılıb ki, bunun 2,8 milyon tonu neft və neft məhsullarının payına düşür, bu barədə Gürcüstan hökumətinin məlumatında deyilir.
Ötən ilin analoji dövrü ərzində terminaldan 5,8 milyon ton yük keçib ki, bunun da 4,6 milyon tonu neft və neft məhsullarının payına düşüb.
Amerikanın ExxonMobil şirkəti dəmiryolu ilə Gürcüstanın Qara dəniz limanı Batumiyə öz neftini, həmçinin Devon şirkətinin Azərbaycanın "Azəri-Çıraq-Günəşli" yataqları blokunda hasil edilən neftini nəql edir.
Chevron şirkəti Qazaxıstanın "Tenqiz" yatağında hasil edilən nefti Azərbaycan ərazisi vasitəsilə Batumi limanına nəql edir.
Məqalə müəllifi ilə əlaqə ünvanı: [email protected]
