Azərbaycan, Bakı, 14 sentyabr / Trend , müxbir N.İsmayılova/
2009-cu ilin birinci yarısında Azərbaycandan 7,9 milyard dollarlıq neft və neft məhsulları ixrac olunub ki, bu da ölkənin ümumi ixracının 89,4 faizini təşkil edir. Bu barədə bazar ertəsi Azərbaycan Mərkəzi Bankının nəşr etdiyi ödəmə balansında deyilir. Hesabatda ixrac əməliyyatlarında 2008-ci ilin müvafiq dövrü ilə müqayisədə neft məhsullarınln ixracının iki dəfədən çox azalmasına baxmayaraq, neft sektorunun məhsullarının dominant mövqeyini qoruduğu qeyd edilir.
Neft ixracının ümumi həcmindən neft emalı məhsullarının payına 526,1 milyon dollar düşür. Xam neft şəklində ölkədən 7,4 milyard dollarlıq məhsul aparılıb. ARDNŞ (Azərbaycan Respublikası Dövlət Neft Şirkəti) xaricə 378,5 milyon dollarlıq xam neft ixrac edib.
Hesabat dövrü ərzində neft sektoruna düşən, ixrac olunmuş məhsulların ümumi dəyəri 39,9 faiz azalaraq 405,2 milyon dollara çatıb.
Məqalə müəllifi ilə əlaqə ünvanı: [email protected]