Azərbaycan, Bakı, 14 oktyabr / Trend , müxbir E.İsmayılov/
ARDNŞ növbəti ilin əvvəlində Azərbaycanın eyni adlı neft-qaz dəniz yatağında "Neft Daşları- 2521" yeni platformanın inşasını başa çatdıracaq, bu barədə çərşənbə günü ARDNŞ-dəki mənbədən bildirilib.
"Hazırda platformanın yuxarı tikililərinin inşası işləri aparılır və avadanlıqların quraşdırılması davam edir. İşlər növbəti ilin əvvəlində başa çatacaq", - mənbə bildirib.
Bu böyük yataqda hasilat səviyyəsinin artırılması və saxlanılması məqsədilə yeni quyuların qazılması, yeni platformaların inşası həyata keçirilir.
Platforma suyun 18,5 metr dərinliyində quraşdırılacaq. Platformanın bloklarının hündürlüyü 27 metr təşkil edir. Platformadan 12 quyunun qazılması planlaşdırılır. Bu məntəqədə böyük neft ehtiyatları olduğu üçün platformadan daha 14 quyunun qazılması mümkün ola bilər.
"Neft Daşları" yatağının ehtiyatları əhəmiyyəli dərəcədə işlənib. Yataq ARDNŞ tərəfindən işlədilir.
Yeni quyuların qazılması və platformaların inşası Azərbaycan Prezidentinin "Neft Daşları" Neft-qaz Hasilat İdarəsinin hasilat həcminin 812 min tondan 1,2 milyon tona kimi (1,5 dəfə) qaldırılması barədə sərəncamı çərçivəsində həyata keçirilir. ARDNŞ geoloqlarının qiymətləndirməsinə görə "Neft Daşları" yatağında qalıq neft həcmi 30 milyon ton təşkil edir. 2010-cu ilə kimi yataqda neft hasilatının artırılması üçün ARDNŞ 78 quyu qazacaq.
Məqalə müəllifi ilə əlaqə ünvanı: [email protected]