...

İran-Türkmənistan münasibətləri yeni mərhələyə qədəm qoyub - Prezident Qurbanqulu Berdiməhəmmədov

Energetika Materials 2 Noyabr 2009 16:26 (UTC +04:00)

Türkmənistan, Aşqabad, 02 noyabr / Trend , müxbir H.Həsənov/

"Türkmənistan və İran xalqlarının dostluq əlaqələri yeni inkişaf mərhələsinə qədəm qoyub və yeni mahiyyət qazanıb", - Bu gün Aşqabadda İran Sənaye Sərgisinin açılması ilə əlaqədar ölkə Prezidenti Qurbanqulu Berdiməhəmmədovun müraciətində deyilir.

"Bu, Türkmənistan və İran arasında qarşılıqlı səmərəli və faydalı münasibətlərin sübutu olan vacib hadisədir", - dövlət başçısı qeyd edib. Təcən-Sərəxs-Məşhəd dəmiryolunun mühüm tranzit keçidi olması, "Korpece-Kurtkui" qaz kəməri, Balkanabat-Əliabat müasir yüksək elektrikötürücü xətlər, "Dostluq" su anbarı, Qazaxıstan-Türkmənistan-İran dəmiryolunun inşası iri layihələr üzərində birgə iş nəticəsində əldə edilən nailiyyətlər sırasına daxildir.

İran KİV-ləri bazar günü məlumat veriblər ki, Tehrandakı danışıqlar zamanı Türkmənistan qazının İrana idxalının artırılmasına dair razılıq əldə edilib.

"Bunlar Türkmənistan-İran əməkdaşlığının sübutudur",- Türkmənistan rəhbəri qeyd edib. Son zamanlar İran şirkətlərinin iştirakı ilə Transasiya-Avropa optik-tel magistralı, maye qazın nəqliyyatı və saxlanması üçün terminallar, taxıl anbarları və digər tikililər inşa edilib. Mal dövriyyəsinin həcmi artır.

"Mən əminəm ki, iki qonşu xalqların iradəsi və onların rəhbərlərinin yorulmaz səyi nətcəsində bizim dost dövlətlərimiz arasında əməkdaşlığın miqyası gələcəkdə də inkişaf edəcək və yeni sərhədlərə keçəcək", - Berdiməhəmmədov vurğulayıb.

Sərgi çərçivəsində Türkmənistanda iş görməkdə maraqlı olan İran şirkətləri ilə danışıqlar planlaşdırılıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti