Azərbaycan, Bakı, 19 noyabr / Trend , müxbir N.ismayılova/
Dekabrın əvvəlində Səmt qazının yandırılması həcminin azalması üzrə qlobal proqram (GGFR) çərçivəsində Dünya Bankının (DB) missiyası Bakıya gələcək. Bu barədə cümə axşamı bankın Bakı nümayəndəliyindən bildirilib.
"Missiyanın əsas məqsədi priorotetlərin müəyyən olunması, həmçinin Azərbaycandakı işlərin həcminin ölçülməsi olacaq. Beynəlxalq neft şirkətlərinin bu proqramın həyata keçirilməsində maraqlı olduqlarını nəzərə alsaq, onların nümayəndələri missiyanın tərkibinə daxil edilə bilərlər", - DB nümayəndəliyindən bildirilib.
ARDNŞ 2008-ci ildən GGFR proqramının iştirakçısıdır. Şirkətdə Səmt qazının istifadəsi planının (Associated Gas Recovery Plan - AGRP) hazırlanması üçün işçi qrupu yaradılıb. Planın qəbul olunması 2009-cu ilin sonuna kimi gözlənilir. ARDNŞ həmçinin qazın yandırılması həcmlərinin ölçülməsinin yerinə yetirilməsində proqramın dəstəyini istəyib.
Məqalə müəllifi ilə əlaqə ünvanı: [email protected]