...

ARDNŞ Xəzərdə kəşfiyyat quyusunun qazılması işlərini gələn ilin sonunda başa çatdıracaq

Energetika Materials 24 Noyabr 2009 19:18 (UTC +04:00)

Azərbaycan, Bakı, 24 noyabr / Trend , müxbir E.İsmayılov/

ARDNŞ 2010-cu ilin sonunda "Ümid" perspektivli qaz-kondensat strukturunda ilk kəşfiyyat quyusunun qazılması işlərini başa çatdıracaq. Bu barədə çərşənbə axşamı ARDNŞ-dəki mənbə deyib.

"Bu quyunun qazılması işlərinin gələn ilin noyabr-oktyabr aylarında başa çatacağı gözlənilir", - mənbə deyib.

Mənbənin sözlərinə görə, hazırda quyunun qazılması işləri davam edir və quyunun hazırkı dərinliyi 2615 metr təşkil edir. Layihə dərinliyi 6500 metrdir.

"Kəşfiyyat quyusunun qazılması işlərinin avqust ayında başlamasına baxmayaraq, işlər kifayət qədər yüksək sürətlə həyata keçirilir. Qazma işləri 3500-4000 metr dərinliyədək çətin olmayacaq. Daha dərində isə işlər çətin gedəcək", - mənbə əvvəllər deyib. O, bunu sahənin çətin geoloji və seysmik xüsusiyyətlərə malik olması ilə izah edib.

Bu, ARDNŞ-nin son 15 ildə apardığı ilk müstəqil kəşfiyyat qazmasıdır. ARDNŞ geoloqları "Ümid" perspektivli strukturda ehtimal edilən qaz ehtiyatını 300 milyard kubmetr, qaz-kondensat ehtiyatını isə 30-40 milyon ton həcmində dəyərləndirirlər.

ARDNŞ kəşfiyyat quyularının da qazıldığı "Ümid-1" platformasının inşaatını başa çatdırıb. "Ümid-1" platforması tikintisi yarımçıq qalan "Çıraq-6" platformasının əsasında tikilib, proqram çərçivəsində ən iri obyekt hesab edilir, hündürlüyü 72 metrdir. Platforma dənizin 58 metr dərinliyində "Bulla dəniz" yatağının 15 kilometrliyində yerləşir. Ümumilikdə, platformada 6 qaz quyusunun qazılması planlaşdırılır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti