Azərbaycan, Bakı, 11 dekabr / Trend , müxbir A.Bədəlova/
Beynəlxalq Enerji Agentliyi 2010-cu ildə neftə olan tələbatın proqnozlarını artırıb və 2009-cu ilə olan sutkada 84,9 milyon barel səviyyəsindəki proqnozu dəyişməyib.
BEA-nın bu gün dərc edilən neft bazarı üzrə məruzəsində deyilir ki, gələn il dünyanın neftə olan tələbatı sutkada 15 milyon barel artaraq 86,3 milyon barelə çatacaq ki, bu da keçən ay agentlik tərəfindən proqnozlaşdırılan həcmdən 130 min barel çoxdur. BEA-nın proqnozlarına görə, bu il neftə olan tələbatın azalması sutkada 1,4 milyon barel təşkil edəcək.
BEA-nın məruzəsinə görə, neftə olan tələbatın artımı İƏİT-ə daxil olmayan ölkələrin hesabına müşahidə olunacaq.
BEA-nın məlumatına görə, ümumdünya neft tədarükü noyabr ayında sutkada 200 barel artıb. OPEK-in neft hasilatı keçən ay sutkada 135 min barel artaraq sutkada 29,1 milyon barelə çatıb.
BEA OPEK-ə daxil olmayan ölkələrin də neft tədarükü proqnozlarını artırıb. Proqnozlara əsasən, 2009-cu ilin yekunları üzrə neft tədarükü sutkada 125 min barel artaraq sutkada 51,3 milyon barelə çatacaq.
Məqalə müəllifi ilə əlaqə ünvanı: [email protected]