Azərbaycan, Bakı, 02 fevral / Trend , müxbir E.İsmayılov/
2009-cu ildə dünyada böhran olmasına baxmayaraq, ARDNŞ bu ili yüksək səviyyədə başa vurub. Bunu çərşənbə axşamı ARDNŞ prezidenti Rövnəq Abdullayev deyib.
Onun sözlərinə görə, ARDNŞ ötən ili qazancla başa vurub. Abdullayev gəlirin həcmini isə açıqlamayıb. ARDNŞ 2009-cu ildə dövlət büdcəsinə 1,46 milyard manatlıq rekord həcmdə vəsait köçürüb.
"Keçən ilin böhranlı keçməsi ilə yanaşı, Azərbaycan neft və neft sənayesi rekord göstəricilərə nail ola bilib", - Abdullayev deyib.
Abdullayevin sözlərinə görə, keçən il ölkədə rekord həcmdə neft və qaz hasilatına nail olunub. Ümumilikdə, 2009-cu ildə Azərbaycanda 50,5 milyon ton neft və 23 milyard kubmetr qaz hasil edilib.