Azərbaycan, Bakı, 24 fevral / Trend /
BP şirkəti podrat və sifarişlər çərçivəsində 2009-cu ildə Azərbaycanda 982 milyon dollar sərf edib. Bu barədə BP-nin hesabatında deyilir. Şirkət Azərbaycanda bir sıra neft-qaz layihələrinin operatorudur.
Xırda və orta podrat müəssisələrinə (cəmi 309) 132 milyon dollar, dövlət şirkətlərinə 29 milyon manat, yerli tərəfdaşlara malik olan birgə müəssisələrə 248 milyon manat xərclənib. Ölkənin daxilində xarici podratçıların ötən il xərcləri 573 milyon manat təşkil edib.
2009-cu ildə sosial məsuliyyət çərçivəsində layihələrə üç milyon manat xərclənib. Xüsusilə, Azərbaycanın "Azəri-Çıraq-Günəşli" layihəsinin işlənib hazırlanması çərçivəsində 0,6 milyon manat, "Şahdəniz" 0,4 milyon manat, "Bakı-Tbilisi-Ceyhan" və "Bakı-Tbilisi-Ərzurum" boru kəmərlərinə 1,6 milyon manat xərclənib. BP sosial məsuliyyət üzrə şəxsi layihələri çərçivəsində 0,4 milyon manat xərcləyib.