Gürcüstan, Tbilisi, 24 mart / Trend , müxbir N.Kirsxaliya/
Rumıniya Gürcüstanın Poti limanı vasitəsilə Azərbaycandan Rumıniyaya maye qaz tranziti layihəsinin həyata keçirilməsində maraqlıdır. Bu barədə Rumıniyanın Gürcütandakı səfiri Dan Mixay Barliba çərşənbə günü Trend -a bildirib.
"Hazırda layihə Buxarestdə müzakirə olunur və Rumıniya tərəfi həmin layihənin reallaşacağına ümid edir", - səfir deyib. O, həmçinin Kulevidə maye qaz emalı üzrə xüsisi terminalın tikintisini təklif edilyini vurulayıb.
Qaz Poti limanı vasitəsilə Azərbaycandan Avropaya tədarük ediləcək.
"Bbütün tərəflərə - Rumıniya, Azərbaycan və Gürcüstana mənfəət gətirəcək bu layihə kifayət qədər lazımlı və maraqlı layhədir", - Rumıniya səfiri deyib.
Bu gün "Redison" mehmanxanasında IX Beynəlxalq qaz, energetika və infrastrukturlar sərgisi və "GIOGIE-2010" konfransı öz işinə başlayıb. Bu tədbir Gürcüstanın adıçəkilən sahələri və Qafqazda tədqiqat imkanları ilə maraqlananlar üçün zəruridir.
Gürcüstanın energetika sahəsində aparıcı forum olan "GIOGIE" 2002-ci ildən etibarən hər il keçirilir. Cari tədbirdə 300 nümayəndə, 30 yüksəksəviyyəli təmşilçi və 15 sərgi iştirakçısı iştirak edəcək. Tədbirdə Azərbaycan, Türkiyə, Qazaxıstan, Ukrayna və digər ölkələrin hökumət nümayəndələri də iştirak edəcək.