Azərbaycan, Bakı, 6 may /Trend, müxbir E.İsmayılov /
ARDNŞ (Azərbaycan Dövlət Neft Şirkəti) cümə günü Bakıda - H.Əliyev adına Beynəlxalq Hava Limanına aparan yolda, Zığ şosesində və Bibiheybətdə ilk üç yanacaqdoldurma stansiyasını (YDS) istismara verib. İlin sonunadək ARDNŞ-in brendi altında daha doqquz YDS istismara veriləcək.
İndiyədək ARDNŞ Gürcüstanda 30-dan artıq YDS tikib və istismara verib.Cari ildə daha 30 ədəd stansiyanın istismarı planlaşdırılır.
Şirkət eləcə də Ukraynanın topdansatış neft məhsulları bazarında da fəaliyyətini genişləndirir. Hazırda ARDNŞ bu ölkədə 20-yə yaxın YDS rebrendinqini aparır. Bu stansiyalarda neft məhsullarının satışına may ayında başlanacağı gözlənilir.
