Azərbaycan, Bakı, 18 may /Trend, müxbir E.İsmayılov/
Rusiyanın Qara dəniz Novorossiysk limanı yanvar-aprel aylarında 2009-cui ilin analoji dövründə daşınmış 14 milyon tona yaxın neftə nisbətdə təxminən 14,6 milyon tona yaxın neft daşıyıb. Bu barədə limanın rəsmi saytına yerləşdirilmiş məlumatda deyilir.
"Novorossiysk dəniz ticarət limanı" ASC vasitəsilə yanvar-apreldə, ötən ilin analoji dövründə daşınmış 4,2 milyon tona nisbətdə təxminən 4,8 milyon ton neft məhsulları daşınıb.
Bu ilin yanvar-aprel aylarında liman vasitəsilə ötən ilin analoji dövründə daşınmış 28,2 milyon ton yükə nisbətdə ümumilikdə 28,3 milyon ton müxtəlif yüklər daşınıb.
Novorossiysk limanı vasitəsilə ARDNŞ-nin (Azərbaycan Respublikası Dövlət Neft Şirkəti) şəxsi neftinin daşınması həyata keçirilir. ARDNŞ yanvar-aprel aylarında "Bakı-Novorossiysk" boru kəməri vasitəsilə ötən ilin analoji dövründə nəql edilmiş 834 min tona yaxın neftə nisbətdə 583,35 min ton neft nəql edib.
ARDNŞ "Bakı-Novorossiysk" boru kəməri vasitəsilə 2008-ci ildə 1,3 milyon ton neft nəql edib. 2007-ci ildə bu boru kəməri ilə 1,2 milyon tona yaxın neft ixrac olunub. 2006-cı ildə bu göstərici eyni olub. 2005-ci ildə "Bakı-Novorossiysk"lə ixrac 1,6 milyon ton təşkil edib.
Novorossiysk Qara dəniz limanının yükdaşımasına dair ümumi cədvəl:
|
Yanvar-aprel 2010 |
Yanvar-aprel 2009 |
Fərq |
||
|
min ton |
min ton |
faizlər |
||
|
Ümumi yük mübadiləsi |
28 339,6 |
28 251,2 |
88,4 |
0,3 |
|
Maye yüklər (cəmi) |
18 990,5 |
18 993,4 |
-2,9 |
0 |
|
Xam neft |
13 917,5 |
14 582,7 |
-665,3 |
-4,6 |
|
Neft məhsulları |
4 856,7 |
4 224,2 |
632,5 |
15 |
