Аzərbaycan, Bakı, 4 iyun /Trend, müxbir E.İsmayılov/
2013-cü ildə Azərbaycanda qaz hasilatı proqnozlarına əsasən, ölkədə hasil edilən qazın həcmi bu il nəzərdə tutulan 28,5 milyard kubmetrə nisbətdə 30 milyard kubmetr təşkil edəcək. Bu barədə iyunun 1-4-də Bakıda keçirilən "Xəzər neft, qaz, neft emalı və neft kimyası" sərgisində ARDNŞ-nin (Azərbaycan Respublikası Dövlət Neft Şirkəti) stendində təqdim olunan məlumatlarda göstərilib.
2013-cü ildə hasil olunacaq qazın ümumi həcminin 21,7 milyard kubmetri Azərbaycanın Xəzər sektorunda yerləşən "Azəri-Çıraq-Günəşli", həmçinin "Şahdəniz" dəniz yataqlarında ARDNŞ ilə birgə neft emal edən xarici şirkətlərin konsorsiumunun payına düşəcək. 2013-cü ildə qazın ümumi həcminin 8,3 milyard kubmetri ARDNŞ-nin payına düşəcək.
2010-cu ildə Azərbaycanda çıxarılan qazın ümumi həcminin 21,1 milyard kubmetri xarici şirkətlərin konsorsiumu, qalan 7,4 milyard kubmetri isə ARDNŞ-nin payına düşəcək.
2013-cü ildə Azərbaycanda hasil olunacaq qazın ümumi həcminin 7 milyard kubmetri ixrac üçün nəzərdə tutulacaq. Doqquz milyard kubmetr "AÇG" yataqlarında təzyiqi saxlamaq üçün təbəqələrə doldurulacaq. Qalan 2,5 milyard isə xarici şirkətlər və ARDNŞ-nın öz ehtiyacları üçün istifadə olunacaq.
2012-ci ildə hasil olunacaq qazın ümumi həcminin 21,5 milyard kubmetri xarici şirkətlərin konsorsiumunun payına düşəcək, 2011-ci ildə isə bu göstərici 21,3 milyard kubmetr təşkil edəcək.
