Azərbaycan, Bakı, 9 iyun /Trend/
Bu ilin aprelindən "Ekol Mühəndislik Xidmətləri" ARDNŞ-nin "Abşeronneft" Neft-Qaz Çıxarma İdarəsinin istehsalat sahələrində neft və lay suları ilə çirklənmiş 5,3 hektara qədər torpaqda rekultivasiya işləri həyata keçirib.
Bu dövrdə aparılan işlər çərçivəsində müvafiq anbarlara 2 972 kubmetr lay suları və 4 544 kubmetr narın antrasit və torpaq aparılıb. Sahələrə 25 183 kubmetr narın antrasit və torpaq gətirilərək səpələnib.
2006-cı il mayın 1-də Abşeron yarımadasının ekoloji problemlərinin həlli məqsədilə yaradılmış "Ekol Mühəndislik Xidmətləri" QSC-nin həmtəsisçiləri ARDNŞ (51%) və Lancer S.A. Services-dir (49%).
