Azərbaycan, Bakı, 22 iyun /Trend/
İsveçrənin "Foster Wheeler AG" onun bölmələrindən birinin - "SOCAR/TURCAS Rafineri" AS şirkətindən Türkiyədəki "Petkim" neft-kimya kompleksi yaxınlığında NEZ tikintisi çərçivəsində müqavilənin alındığını elan edib, - şirkətdən məlumat verilib.
Müqavilə yeni NEZ-in tam injinirinq dizaynını və "Foster Wheeler" şirkətinə məxsus SYDECSM texnologiyası üzrə ləng kokslaşdırma qurğusunun tikintisinin ilkin injinirinqini təklif edir.
Yeni müəssisənini gücü sutkada 214 min barel təşkil edəcək. Hidrokrekinqdən sonra nafta və mazut kimyəvi məhsulların istehsalı üçün "Petkim" kompleksinə göndəriləcək.
NEZ-ə naftanın hidrotəmizlənməsi üzrə atmosfer-vakuum trubçatkaların elektroduzsuzlaşdırma qurğusu, ləng kokslaşdırma (gücü sutkada 40 min barel), hidrokrekinq (sutkada 66 min barel), kerosin vıə dizel yanacağının hidrotəmizləmə qurğusu, LPG təmizləmə, katalitik reforminq (gücü sutkada 28 min barel), qazla təchiz olunmuş qurğu və digər avadanlıqlar daxildir.
"Foster Wheeler" müqavilə üzrə bütün işləri 2010-cu ilin sonlarınadək başa çatdırmağı planlaşdırır.
"SOCAR/TURCAS Rafineri" AS iyunun əvvəllərində Türkiyənni enerji bazarının tənzimləyicisindən "Petkim" neft-kimya şirkətinin yaxınlığında ARDNŞ-in iştirak payının olduğu, gücü ildə 10 milyon ton neft emalı zavodunun inşasına dair lisenziya alıb.
ARDNŞ-in Türkiyədə ən iri aktivi "Petkim" neft-kimya kompleksidir və hazılrda bütün işlər kompleksi xammalla təchiz etmək üçün vacib olan NEZ-in inşasına yönəldilib.
Yeni zavodun gücü ildə 10 milyon ton olacaq və bunun 4 milyon tonu "Petkim"in xammala olan tələbatının ödənilməsinə yönəldiləcək. Yerdə qalan hissə, o cümlədən, dizel yanacağı, aviasiya kerosini və digər enerjidaşıyıcılar Türkiyə və Avropa bazarlarında satışa çıxarılacaq.
2008-ci ildə "SOCAR/Turcas Petrol/Injaz Projects" şirkətlər alyansı Türkiyənin "Petkim" neft-kimya holdinqində 51 faizlik səhm paketinin alınması üçün tenderin qalibi olub. Buna görə alyansa 2,04 milyard dollar təklif edilib. Hazırda Türkiyə zəruri kimya məhsullarının 70-75 faizini idxal edir. "SOCAR/Turcas/Injaz"ın "Petkim"in inkişafına yatıracaqları sərmayələr məhsul idxalını 30 faizədək azaltmağa imkan verir.
"Petkim Petrokimya Holding" plastik qablaşdırmalar, parçalar, PVC, yuyucu vasitələr istehsal edir və Türkiyədə belə məhsulların yeganə istehsalçısıdır. Şirkət məhsullarının dörddəbirini ixrac edir.
