Azərbaycan, Bakı, 9 avqust/Trend/
Yanvar-iyul aylarında ARDNŞ dövlət büdcəsinə 602,9 milyon manat məbləğində ödəniş edib. Bu göstərici ötən ilin müvafiq dövrünə nisbətən 106,46 milyon manat və ya 21,4 faiz çoxdur. Bu barədə şirkətin cümə günü yayılan məlumatında deyilir. İyulda bu göstərici, təxminən, 88,93 milyon manat olub.
Məlumatda deyildiyinə görə, ARDNŞ yanvar-iyul aylarında Dövlət Sosial Müdafiə Fonduna 73,1 milyon manat vəsait köçürüb ki, bu da ötən ilin yanvar-iyul aylarına nisbətdə 11,7 milyon manat (19,1 faiz) çoxdur. İyulda Dövlət Sosial Müdafiə Fonduna 11,8 milyon manat köçürülüb.
