Azərbaycan, Bakı, 30 avqust /Trend, müxbir E.İsmayıılov/
Sentyabrın 16-da "Sarmatiya" beynəlxalq boru kəməri şirkətinin iştirakçılarının növbədənkənar iclasında iyunda istefaya gedən Marçin Yastşembskinin əvəzinə İdarə Heyətinin yeni rəhbəri seçiləcək. Bu barədə bazar ertəsi Trend-ə telefonla "Sarmatiya" boru kəməri müəssisəsinin baş direktoru Sergey Skripka deyib.
"Bu gün keçirilməsi nəzərdə tutulan iclas iştirakçılardan birinin - konkret olaraq gürcü həmkarlarımızın gələ bilməməsi ilə əlaqədar müstəsna olaraq texniki səbəbə görə sentyabrın 16-na təxirə salınıb", - Skripka qeyd edib.
"Sarmatiya" Odessa-Brodı-Plots-Qdansk marşrutu üzrə neft nəqli layihəsinin həyata keçirilməsi çərçivəsində yaradılıb. Bu marşrutda Azərbaycana əsas tədarükçü qismində yer ayrılır. Lakin Azərbaycan tranzit ölkə kimi də işləyə bilər. Azərbaycan bu neft kəməri ilə təkcə öz neftini deyil, eləcə də Mərkəzi Asiyadan, məsələn Qazaxıstandan neft tədarük edə bilər.
Odessa-Brodı neft nəqli layihəsi Ukrayna NEZ-inə neft tədarükünün diversifikasiyası və ölkənin tranzit imkanlarının inkişafı məqsədi ilə planlaşdırılıb. Odessa-Brodı neft kəmərinin tikintisi 2002-ci ilin mayında başa çatdırılıb. Magistralın uzunluğu 674 km, boruların diametri 1020 mm-dir. Neft kəməri və terminalın birinci növbədə gücü ildə 9-14 mln. ton təşkil edir.
"Sarmatiya" 2004-cü ildə yaradılıb. Hazırda ARDNŞ (Azərbaycan Respublikası Dövlət Neft Şirkəti), Gürcüstanın Neft-Qaz Şirkəti, Litvanın "Klaypedos neft" şirkəti, Polşanın PERN "Pişiyazn" neft nəqli şirkəti və "Ukrtransafta" ASC layihə üzvləridirlər.
