Azərbaycan, Bakı, 11 noyabr /Trend, müxbir E.İsmayılov/
ARDNŞ Xəzərin Azərbaycan sektorundakı "Bulla Dəniz" yatağında yeni quyunu qazmağı planlaşdırır. Bu barədə cümə axşamı ARDNŞ-dəki mənbə deyib.
Onun sözlərinə görə, yeni quyunun qazılması ilə bağlı qərar "Bulla Dəniz-82" platformasında kəşfiyyat quyusunun qazılmasının yekunları üzrə qəbul ediləcək.
"Hazırda kəşfiyyat quyusunun dərinliyi layihələşdirilən 6400 metrdən 5330 metri ötür", - mənbə qeyd edib.
"Yeni quyunun qazılması ARDNŞ-nin qaz ehtiyatlarının artırılması üçün böyük əhəmiyyət kəsb edir", - mənbə vurğulayıb.
Bundan əvvəl ARDNŞ-nin birinci vitse prezidenti Xoşbəxt Yusifzadənin dediyi kimi, bu quyu çox perspektivdir.
Bundan əvvəl Geofizika və Geologiya İdarəsi quyuda baş verən prosesləri müşahidə və nəzarət etmək məqsədilə uzaq müşahidə sistemi olan "RT-Leuza" quraşdırıb.
"Bulla Dəniz" yatağı 1975-ci ildən istismar olunur. 34 il ərzində yataqdan 62 milyard kubmetr qaz və 11 milyon ton neft və qaz-kondensat hasil edilib.
"Bulla Dəniz" yatağından sutkada 450 min kubmetr qaz hasil edilir. ARDNŞ geoloqlarının fikrincə, bu yataqda qaz hasilatını bir neçə dəfə artırmaq olar.
