Azərbaycan, Bakı, 30 dekabr /Trend, müxbir E.İsmayılov/
ARDNŞ-nin (Azərbaycan Respublikası Dövlət Neft Şirkəti) Türkiyədə "Petkim" neft-kimya kompleksinin xammala olan tələbatını ödəmək üçün tikməyi planlaşdırdığı yeni neft emalı zavodunun (NEZ) dəyəri 4,8-5,2 milyard dollar səviyyəsində proqnozlaşdırır. Bu barədə cümə axşamı ARDNŞ-nin yüksəkvəzifəli nümayəndəsi deyib.
Onun sözlərinə görə, NEZ-in tikintisinə kreditin cəlb edilməsi ilə bağlı məsələ hələ ki həll edilməyib, lakin dünya praktikasında adətən bu aşağıdakı qaydada həyata keçirilir: layihəyə 25-30 faiz krediti cəlb edən şirkət investisiya qoyur, 70-75 faizi isə kreditləşmənin həcmi təşkil edir.
Türkiyədə NEZ "Petkim" neft-kimya kompleksinin hazırda müəssisənin açıq bazarda aldığı birbaşaqovulan benzinə olan tələbatını ödəmək üçün tikilir.
"Birbaşaqovulan benzinin açıq bazarda və tikintisi planlaşdırılan NEZ-də istehsal qiymətindəki fərq bir ton üçün 30 dollara yaxındır", - ARDNŞ nümayəndəsi qeyd edib.
NEZ-də aviasiya kerosini, dizel yanacağı istehsal edilərək Türkiyənin daxili bazarında satılacaq, eləcə də ixrac ediləcək. Mənbə Tükiyə bazarının artan cəlbediciliyini qeyd edib.
NEZ-in gücü ildə 92-93 faiz səviyyəsində hazır məhsul ilə çıxışla 10 milyon ton təşkil edəcək. Zavodun tikintisi 2011-ci ildən başlayaraq 5 il müddətinə nəzərdə tutulub. Gələn il NEZ-in ətraflı layihələşdirilməsi, onun tam dəyərininin qiymətləndirilməsi və maliyyə məsələsinin həlli üzrə işlər başa çatdırılacaq.
