Azərbaycan, Bakı, 5 fevral /Trend, müxbir E.İsmayılov/
31 yanvar - 4 fevral həftəsində CIF liman Augusta şərtləri ilə Azərbaycanın Supsa, Batumi (Gürcüstan) və Ceyhan (Türkiyə) limanları vasitəsilə satdığı AZERI LT (CIF) növlü neftinin orta qiyməti 102,8 dollar/barel olub. Bu, ötən həftənin orta qiymətindən 4,21 dollar çoxdur.
31 yanvar - 4 fevral həftəsində AZERI LT-nin maksimum qiyməti 104,07 minimum isə 101,43 dollar/barel təşkil edib.
"Azeri Light"ın API üzrə qatılığı 34,6 dərəcə, kükürdün miqdarı isə 0,14 faizdir.
31 yanvar - 4 fevral həftəsində Azərbaycanın Novorossiysk limanından satdığı URALS (EX-NOVO) növlü neftinin orta qiyməti 96,3 dollar/barel təşkil edib ki, bu da ötən həftənin orta qiymətindən 4,01 dollar/barel çoxdur.
31 yanvar - 4 fevral həftəsində URALS-ın maksimum qiyməti 97,72 dollar/barel, minimum isə 94,88 dollar/barel olub.
URALS-ın API üzrə qatılığı 32 dərəcə təşkil edir, kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir.
31 yanvar - 4 fevral həftəsində "Brent Dated" növünün orta qiyməti 100,35 dollar/barel olub ki, bu da əvvəlki həftənin orta qiymətindən 4,02 dollar/barel azdır.
31 yanvar - 4 fevral həftəsində "Brent Dated"in maksimum qiyməti 101,53, minimum isə 99,16 dollar/barel olub.
"Brent Dated"in API üzrə qatılığı 38,3 dərəcə, kükürdün miqdarı isə 0,36 faizdir.
