Tehran və Yerevan 1.5 mln. benzin və dizel yanacağının Ermənistana ixracı haqda razılığ əldə ediblər. Trend-in məlumatına görə bu barədə şənbə günü İranın neft nazirinin müavini Əlirza Zeyqami deyib.
Onun sözlərinə görə, Ermənistana boru kəmərinin inşaatı başa çatdıqdan sonra gündəlik 750 min litr benzin və 750 min litr dizel yanacağı ixrac olunacaq. Xəbəri Tehran Times qəzeti yayıb.
Yanvar ayında İranın neft nazirinin müavini Əlirza Zeyqami üçgünlük rəsmi səfər ilə Ermənistanda olub. Ermənistanın energetika və təbii sərvətlər naziri Armen Movsisyanla görüşdən sonra Zeyqamı bildirib ki, 2014 ilə qədər Təbrizdən Yerevana uzunluğu 365 km olan boru kəməri inşa ediləcək. Bu kəmər Ermənistana neft məhsullarının idxalı üçün istifadə olunacaq.