...

"Şahdəniz" konsorsiumu "Cənub qaz dəhlizi" layihələrinin həyata keçirilməsini çox gözləyə bilməz - Edison

Energetika Materials 9 İyun 2011 16:23 (UTC +04:00)

Trend-i buradan izləyin

Azərbaycan, Bakı, 9 iyun /Trend, müxbir A.Bədəlova/

"Şahdəniz" yatağının işlənməsi üzrə konsorsium Azərbaycan qazının Avropa bazarına nəqlini nəzərdə tutan "Cənub qaz dəhlizi" layihələrinin həyata keçirilməsini çox gözləyə bilməz. Trend-in məlumatına görə, bu barədə cümə axşamı İtaliyanın "Edison" şirkətinin beynəlxalq qaz infrastukturu üzrə rəhbəri Elio Ruceri deyib.

Onun sözlərinə görə, bu qazdan istifadə edə biləcək digər layihələr də nəzərdən keçirilir. Onların sırasında Ruceri AGRI layihəsini göstərib.

"Şahdəniz" tərəfindən layihənin seçilməsi ilə bağlı qərar 2011-ci ildə qəbul edilməli idi", - Ruceri əlavə edib.

Onun sözlərinə görə, bu qərarın qəbul edilməsinə yeganə əngəl Azərbaycan və Türkiyə arasında Azərbaycan qazının bu ölkənin ərazisi vasitəsilə nəqlinə dair sazişin olmaması ola bilər. Rucerinin sözlərinə görə, bu saziş mümkün qədər tez imzalanmalıdır.

"ITGI layihəsi "Cənubi qaz dəhlizi"nin bütün layihələri içərisində ən münasibidir və onu aça bilər", - o qeyd edib.

Hazırda əsas məsələ hansı layihənin birinci olmasıdır.

"Cənub qaz dəhlizi" layihələri üçün qaz mənbələri haqqında danışan Ruceri bildirib ki, "Şahdəniz" yatağının ikinci mərhələsində hasil edilən qaz Avropaya nəql edilməsi üçün yeganə əlverişli qaz olacaq. Onun sözlərinə görə, digər mənbələr daha gec lazım olacaq.

Xəbər lenti

Xəbər lenti