Azərbaycan, Bakı, 6 sentyabr /Trend/
Azərbaycan və Rusiya 7 okyabr 1995-ci il tarixli saziş çərçivəsində elektrik enerjisi sahəsində əməkdaşlığın genişləndirilməsi barədə danışıqlar aparır. Bu barədə Trend-ə çərşənbə axşamı Sənaye və Energetika Nazirliyindəki mənbə bildirilib.
Mənbənin sözlərinə görə, tərəflər xüsusilə enerji sistemlərinin paralel işi, elektrik enerjisinin mübadiləsi, texniki və ticari məsələlərə dair mövzuları müzakirə edirlər.
Ən perspektivli layihələrdən biri Azərbaycan, Rusiya və İran elektrik enerjisi sistemlərinin sinxronlaşdırılmasına dair layihədir.
