Azərbaycan, Bakı, 6 oktyabr /Trend, müxbir E.İsmayılov/
ARDNŞ-nin (Azərbaycan Respublikası Dövlət Neft Şirkəti) Ekologiya İdarəsi və Yunanıstanın HPC PASECO SA şirkəti "Balaxanı tullantı poliqonu daxil olmaqla Bakı şəhəri ərazisində yerləşən tullantı poliqonlarının bərpası və/və ya bağlanması üzrə məsləhət xidməti" layihəsi çərçivəsində laboratoriya xidmətlərinin göstərilməsi məqsədilə müqavilə imzalayıblar. Trend-in məlumatına görə, bu barədə İdarənin cümə axşamı yaydığı məlumatda deyilir.
Bu layihə Azərbaycanın İqtisadi İnkişaf Nazirliyinin sifarişi ilə həyata keçirilir.
Müqavilənin şərtlərinə əsasən, Balaxanı tullantı poliqonundan nümunələrin götürülməsi və analizlərin aparılması işləri ARDNŞ-nin Ekologiya İdarəsi tərəfindən yerinə yetiriləcək.
Oktyabrın 5-də Ekologiya İdarəsində HPC PASECO SA şirkətinin nümayəndəsi Fotis Çagiosla görüş keçirilib. Görüşdə müqavilədən irəli gələn məsələlərin həlli istiqamətləri müzakirə edilib, Çagiosun sualları İdarənin əməkdaşları tərəfindən cavablandırılıb, işlərin icrasına start verilib.
