Azərbaycan, Bakı, 12 oktyabr /Trend, müxbir E.İsmayılov/
Həyata keçirilməyə başladığı vaxtdan 2010-cu ilin sonunadək "Azəri-Çıraq-Günəşli" (AÇG) neft-qaz dəniz yataqları blokunun, "Şahdəniz" qaz yatağının işlənməsinin birinci mərhələsi, "Bakı-Tbilisi-Ceyhan" neft kəməri və Cənubi Qafqaz qaz kəməri layihələri çərçivəsində tərəfdaşların əsaslı xərcləri 31,6 milyrad dollar təşkil edib. Bu barədə "BP Azerbaijan" şirkətinin çərşənbə günü təqdimatı keçirilən 2010-cu ilin yekunlarına dair davamlı inkişaf üzrə hesabatında deyilir.
AÇG layihəsi çərçivəsində 1997-ci ildən 2010-cu ilədək 1,6 milyarad bareldən artıq neft hasil olunub. 2010-cu ildə bu göstərici 300,4 milyon barel olub.
Həyata keçirilməyə başladığı vaxtdan 2010-cu ilin sonunadək "Şahdəniz" qaz yatağından 49,7 milyon barel qaz-kondensat hasil olunub. 2010-cu ildə yataqdan 14, 7 milyon barel qaz-kondensat çıxarılıb.
2006-cı ildən 2010-cu ilədək "Şahdəniz" qaz-kondensat yatağından 23,5 milyard kubmetr qaz hasil olunub. 2010-cu ilin yekunları üzrə bu göstərici 6,9 milyard kubmetr qaz təşkil edir.
