Azərbaycan, Bakı, 22 dekabr /Trend, müxbir S.Əliyev/
Sumqayıt Kimya Sənaye Parkının yaradılması layihəsinin həyata keçirilməsi çərçivəsində gələn həftə məhdud məsuliyyətli cəmiyyət təşkil ediləcək. Bu barədə cümə axşamı Trend-ə "Azərikimya" İstehsalat Birliyinin (İB) rəhbəri Muxtar Babayev deyib. İB ARDNŞ-nin (Azərbaycan Respublikası Dövlət Neft Şirkəti) tərkibinə daxildir.
Çərşənbə günü Prezident İlham Əliyev Sumqayıt Kimya Sənaye Parkının yaradılması haqqında fərman imzalayıb.
Babayevin sözlərinə görə, parkda son məhsulun istehsalı üçün bütün şərait yaradılacaq. İnfrastruktur parkın yaradılması çərçivəsində ARDNŞ-yə təqdim ediləcək.
"Parkın yaradılması daxili hazır məhsulun istehsalını inkişaf etdirməyə və yeni iş yerlərinin açılmasına imkan verəcək", - Babayev qeyd edib.
Onun sözlərinə görə, hazırda "Azərikimya" müəssisələrinin istehsal etdiyi kimyəvi məhsulun 92 faizi ixrac edilir.
Azərbaycan Prezidentinin 2 aprel 2010-cu il tarixli neft-kimya sənayesinin idarə olunması mexanizmlərinin təkmilləşdirilməsi haqqında sərəncamına uyğun olaraq "Azərikimya" Dövlət şirkəti ARDNŞ-nin tərkibinə verilib. Hazırda "Azərikimya" İstehsalat Birliyi kimi ARDNŞ-nin tərkibində fəaliyyət göstərir.
İB-nin strukturu aşağıdakı kimidir: Etilen-polietilen, "Üzvi sintez", Səthi aktiv maddələr və Mexaniki-təmir zavodları, "Kimyaelmitədqiqatlayikhə" institutu,Təmir-tikinti idarəsi, Nəqliyyat və Xüsusi texniki idarə, anbar təsərrüfatı.
