Azərbaycan, Bakı, 14 aprel / Trend, müxbir A.Axundov /
Azərbaycanın Şamaxı rayonunda Altıağac-Ağsu magistral qaz kəmərində baş vermiş yanğın Rusiyaya qazın tədarükünə təsir etməyib. Bu barədə şənbə günü Trend-ə ARDNŞ-nin "Azəriqaz" İstehsalat Birliyindən məlumat verilib.
Cümə günü saat 22:50-də Altıağac-Ağsu magistral qaz xəttində sızma və sonradan yanğın baş verib. Görülən tədbirlər nəticəsində kəmərlə qaz nəqli dayandırılaraq, yanğın söndürülüb. Altıağac-Ağsu magistral qaz xətti Mozdok-Qazıməməmd magistral qaz kəmərinin bir hissəsidir.
"Hadisə ilə əlaqədar Rusiyay qaz tədarükündə cüzi fasilə olub Hazırda alternativ magistral kəmərlə qaz nəql olunur", - İB-dən deyiblər.
Hadisə nəticəsində Xızı rayonunun Altıağac qəsəbəsinə mavi yanacağın verilişi dayandırılıb.
Azərbaycanın Şamaxı rayonunda Altıağac-Ağsu magistral qaz xətti ilə qazın verilməsi yaxın vaxtlarda bərpa ediləcək.
Hadisə yerinə gələn mütəxəssislər onun səbəbini araşdırırlar.
Şamaxı rayonu Bakının 135 kilometrliyində yerləşir.