Azərbaycan, Bakı, 9 iyul /Trend, müxbir E.İsmayılov/
İyulun 1-nə olan məlumata görə, Azərbaycanda qaz abunəçilərinin sayı 1,4 milyondan çoxdur. Bu barədə bazar ertəsi Trend-ə Azərbaycan Respublikası Dövlət Neft Şirkətinin (ARDNŞ) "Azəriqaz" İstehsalat Birliyindən məlumat veriblər.
Mənbənin sözlərinə görə, gələn il başa çatdırılması planlaşdırılan qazlaşdırma proqramının reallaşdırılması ilə abunəçilərin sayı daha da artacaq. Qazlaşdırma proqramı və ölkənin qaz təchizatının yaxşılaşdırılması çərçivəsində bunun 90 faizə çatdırılması planlaşdırılır.
Qaz abunəçilərinin ümumi sayından Bakının payına 632,1 mindən çox nəfər, qalan 771 minə yaxın nəfər isə ölkənin digər regionlarının payına düşür.
