Azərbaycan, Bakı, 28 sentyabr /Trend, müxbir E.İsmayılov/
Bakıda və bir sıra rayonlarda elektrik enerjisinin verilməsində yaranan problem ölkə ərazisində qaz əməliyyatlarına və istehlakçıların qazla təchizatına təsir göstərməyib. Bu barədə Trend-ə "Azəriqaz" İstehsalat Birliyindən məlumat verilib.
"Elektrik enerjisi ilə bağlı problem qaz nəqlinə heç bir təsir etməyib", - İB-dən deyiblər.
Birlikdən qeyd ediblər ki, İB hər cür zəruri ehtiyatlara və generatorlara malikdir, buna görə də ölkə ərazisində qazla bağlı problem yoxdur.