Azərbaycan, Bakı, 17 dekabr /Trend, müxbir E.İsmayılov/
Dekabrın 17-nə olan vəziyyətə görə, Azərbaycanda əhaliyə verilən qazın gündəlik həcmi 23,3 milyon kubmetr təşkil edib. Bu rəqəm noyabrın 30-da 15,97 milyon kubmetr olub. Bu barədə bazar ertəsi Trend-ə ARDNŞ-nin "Azəriqaz" İstehsalat Birliyindən bildirilib.
Əhaliyə gündəlik verilən qazın ümumi həcmindən 13,8 milyon kubmetr Bakının payına düşüb ki, bu da noyabrın 30-na olan göstəricidən 4,6 milyon kubmetr çoxdur.
"Başqa regionlarda əhaliyə gündəlik qaz satışı 9,5 milyon kubmetr səviyyəsindədir", - İB-dən bildirilib.
"Azəriqaz"dan deyilib ki, satılan qaz həcmləri tələbatla müəyyən edilir və istehlakçıların tələbatını tam ödəyir.
