Azərbaycan, Bakı, 10 yanvar /Trend, müxbir Y.Kosolapova/
İran neft bazarında müdrik siyasət yürüdür və Avropa ölkələrinə öz neftini satmaq niyyətində deyil. Trend-in məlumatına görə, bu barədə "Mehr" agentliyi İranın Neft Nazirliyinin rəsmi nümayəndəsi Əlirza Nikzada istinadən məlumat verir.
Onun sözlərinə görə, İran üçün sanksiyalar dövründə ölkəyə yardım edən dövlətlər prioritet təşkil edir.
Nikzad bildirib ki, bəzi Avropa ölkələri İrana qarşı neft sanksiyalarının səmərəsiz olduğu anlaşıldıqdan sonra İran neftini almağa hazırdırlar.
O, həmçinin bəzi ölkələrə, xüsusilə, Türkiyə və Yaponiyaya neft tədarüklərinə dair müqavilələrin uzadılması barədə məlumat verib.
"Hazırda İran neftinin satışı, hasilatı və ixracatı yaxşı vəziyyətdədir", - o qeyd edib.
Nikzadın sözlərinə görə, hazırda dünyada neft və qaz yataqlarının böyük hissəsi Yaxın Şərqdə, xüsusilə Fars körfəzində cəmləşib.
O, həmçinin əlavə edib ki, enerji zonası getdikcə Xəzəryanı ölkələr istiqamətində irəliləyəcək.
Nikzad qeyd edib ki, Qərbin bütün cəhdlərinə baxmayaraq, İran neft bazarının menecmentliyində uğurlar qazanıb.
