Azərbaycan, Bakı, 6 avqust /Trend/
2013-cü ilin iyul ayı ərzində 2 448 233 ton Azərbaycan nefti Ceyhan limanından dünya bazarlarına çıxarılıb.
Trend ASRDNŞ-nin rəsmi saytına istinadən məlumat verir ki, bu həcmin 1 791 146 tonunu Azərbaycan Respublikası Dövlət Neft Fondunun nefti təşkil edir.
Cari ilin yanvar-iyul aylarında Ceyhan limanından dünya bazarlarına çıxarılmış neftin həcmi 17 452 251 ton olub.
Ümumiyyətlə, BTC istismara verilən gündən 2013-cu il avqust ayının 1-dək Ceyhan limanından 221 119 205 ton Azərbaycan nefti dünya bazarlarına yola salınıb.