...

Gürcüstan Azərbaycan qazının idxalını 25 faizdən çox artırıb

Energetika Materials 26 May 2014 14:25

Trend-i buradan izləyin

Azərbaycan, Bakı, 26 may /Trend, müxbir E. Əliyev/

2014-cü ilin yanvar-aprel aylarında Gürcüstan Azərbaycandan 124,35 milyon dollar dəyərində 620,59 min ton neft ekvivalentində təbii qaz idxal edib. Bu barədə Trend Gürcüstan Milli Statistika Xidmətinin hesabatına istinadən məlumat verir.

Azərbaycan bu kateqoriya üzrə Gürcüstan idxalının ümumi həcminin 83,68 faiz xüsusi çəkisilə ölkəyə bu yanacaq növünün əsas tədarükçüsüdür. Hesabata əsasən, Gürcüstan ilin əvvəlindən 148,61 milyon dollar dəyərində təbii qaz idxal edib.

Tədarükün qalan hissəsi Rusiya və digər mənbələrin payına düşür.

İllik hesablamada Gürcüstanın Azərbaycandan təbii qaz idxalının həcmi 28,65 faiz (say ifadəsilə 104,73 min ton neft ekvivalenti) artıb.

Müqayisə üçün ötən ilin ilk 4 ayında Gürcüstan Azərbaycandan 96,66 milyon dollar dəyərində 515,86 min ton qaz idxal edib.

Hesabat dövründə Azərbaycandan Gürcüstana idxalın ümumi həcmində qazın xüsusi çəkisi 61,1 faiz olub.

Gürcüstan 2014-cü ilin yanvar-aprel aylarında Azərbaycandan 203,53 milyon dollar dəyərində məhsul idxal edib. Qeyd edilən dövrdə Azərbaycandan Gürcüstana idxalın həcmi il ərzində 7,94 faiz artıb.

Məqalədə:
Xəbər lenti

Xəbər lenti