Azərbaycan, Bakı, 21 avqust /Trend, müxbir Emil İsmayılov/
Azərbaycan Respublikası Dövlət Neft Şirkəti (ARDNŞ) 2014-cü ilin ilk 7 ayında ölkənin ofşor və onşor yataqlarından təqribən 4,91 milyon ton neft hasil edib. Bu göstərici ötən ilin analoji dövründə 4,85 milyon ton olub. Bu barədə Trend ARDNŞ-yə istinadən məlumat verir.
ARDNŞ 2013-cü ildə 8,31 milyon tondan çox, 2012-ci ildə isə 8,24 milyon ton neft hasil edib.
ARDNŞ-nin məlumatına görə, Azərbaycanda yanvar-iyul aylarında ümumilikdə 25,42 milyon ton neft hasil olunub. Ötən ilin müvafiq dövründə bu göstərici 25,72 milyon ton olub.
Ümumilikdə 2013-cü ildə Azərbaycanda 43,48 milyon neft hasil edilib. 2012-ci ildə bu göstərici 43 milyon ton idi.
