Azərbaycan, Bakı, 26 avqust /Trend, müxbir Emil İsmayılov/
Alternativ və Bərpa Olunan Enerji Mənbələri üzrə Dövlət Agentliyi və Standartlaşdırma, Metrologiya və Patent üzrə Dövlət Komitəsi (SMPDK) alternativ enerji üzrə texniki komitənin yaradılması çərçivəsində fəal iş aparırlar. Bunu Trend-ə texniki komitənin yaradılmasının təşəbbüskarı olan Dövlət Komitəsindən deyiblər.
SPMDK nümayəndəsinin sözlərinə görə, komitənin yaradılmasında əsas məqsəd müvafiq dövlət standartlarının hazırlanması və ekspertizasıdır: "Hazırda müvafiq strukturla (Alternativ və Bərpa Olunan Enerji Mənbələri üzrə Dövlət Agentliyi - red.) yeni texniki komitənin formalaşdırılması çərçivəsində fəal işlər aparılır. Bu işləri yaxın vaxtlarda başa çatdırmaq planlaşdırılır, lakin dəqiq tarix barədə danışmaq hələ çətindir".
Qeyd edək ki, 2020-ci ildə Azərbaycanda istehlakın ümumi həcmində alternativ enerji mənbələrinin payının 20 faizə çatdırılması planlaşdırılır.