Azərbaycan, Bakı, 17 oktyabr /Trend, müxbir Emil İsmayılov/
2014-cü ilin yanvar-sentyabr aylarında Azərbaycanda 68,1 min ton polietilen istehsal olunub ki, bu da ötən ilin analoji dövr göstəricisindən 23,7 faiz çoxdur. Trend-in məlumatına görə, bu barədə Dövlət Statistika Komitəsinin 2014-cü ilin 9 ayının yekunu üzrə hesabatında deyilir.
Hesabata görə, yanvar-sentyabr aylarında Azərbaycanda 39,6 min ton propilen istehsal olunub ki, bu da ötən ilin analoji dövr göstəricisindən 38,1 faiz çoxdur.
2013-cü ildə respublikada 76 min ton polietilen istehsal olunmuşdu ki, bu da 2012-ci ildəki göstəricini 13,9 faiz üstələyir.
Hesabat dövründə Azərbaycanda kimyəvi məhsulların əsas növlərin istehsalı azalıb
Kimyəvui məhsulların əsas növlərinin istehsalı:
|
Məhsullar |
Yanvar-sentyabr, 2014 |
2013-cü ilin yanvar-sentyabrı ilə müqayisədə (%) |
|
Barium sulfatı (min ton) |
36,9 |
78,5 |
|
Polietilen (min ton) |
68,1 |
123,7 |
|
Propilen (min ton) |
39,6 |
138,1 |
|
İzopropil spirti (min ton) |
5 202,8 |
54 |
|
Boyaq maddələri (ton) |
2 890,3 |
88,6 |
|
Yod (ton) |
196,2 |
85,6 |
Yanvar-sentyabrda ölkədə 12,68 ton bərk polietilen borular, kiçik borular, şlanqlar istehsal olunub ki, bu da ötən ilin analoji dövr göstəricindən 41,9 faiz azdır. Həmçinin, respublikada 164,5 ton poliuretan "plastinlər" və "zolaqlar" istehsal olunub ki, bu da ötən ilin analoji dövr göstəricisindən 65,1 faiz azdır.