Bakı. Trend:
OPEK ölkələri neft hasilatının məhdudlaşdırılması haqqında sazişin müddətinin 2018-ci ilin sonunadək uzadılması ilə bağlı razılığa gəliblər.
Trend-in məlumatına görə, sazişin nəticələri gələn ilin ortalarında təhlil olunacaq.
Bu gün Vyanada adıçəkilən sazişə imza atan OPEK-ə üzv olan və kartelə daxil olmayan 24 ölkənin neft və energetika nazirlərinin görüşü keçirilir.
Qeyd edək ki, bundan əvvəl neft hasilatının məhdudlaşdırılması haqqında razılaşmanın müddəti 2018-ci il martın sonunadək uzadılmışdı.